Прэферэнцыйныя рэжымы
Прэферэнцыі
Заканадаўствам Рэспублікі Беларусь прадугледжаны цэлы шэраг прэферэнцыйных рэжымаў для інвестараў. Яны ўключаюць спецыяльныя льготныя ўмовы гаспадарання пры арганізацыі бізнесу ў рамках шасці свабодных эканамічных зон, Парку высокіх тэхналогій і Індустрыяльнага парка «Вялікі камень». Замежныя кампаніі таксама могуць атрымаць дадатковую выгаду з дапамогай зніжэння інвестыцыйных выдаткаў і падатковай нагрузкі пры размяшчэнні свайго бізнесу на тэрыторыі малых і сярэдніх гарадоў Беларусі. Акрамя гэтага заключэнне інвестыцыйнага дагавора з Рэспублікай Беларусь дазваляе інвестару ўсталяваць дадатковыя прававыя гарантыі абароны свайго капіталу і адначасова атрымаць льготныя ўмовы і прэферэнцыі для рэалізацыі інвестыцыйнага праекта.
Свабодныя эканамічныя зоны (СЭЗ)
СЭЗ ўяўляюць сабой тэрыторыі са спецыяльнымі таможанымі, рэгістрацыйнымі і падатковымі рэжымамі і даюць дадатковыя льготы інвестарам. Льготы па гэтаму рэжыму распаўсюджваюцца на вытворчасць і рэалізацыю імпартазамяшчальных тавараў і экспартуемых тавараў і паслуг.
Рэзідэнты СЭЗ вызваляюцца ад:
падатку на прыбытак на працягу 5 гадоў, пасля заканчэння 5 гадоў падатак на прыбытак – па стаўцы, зменшанай на 50% ад агульнаўсталяванай стаўкі;
падатку на нерухомасць па ўсім капітальным пабудовам, размешчаныхм на тэрыторыі СЭЗ;
дзяржаўнай пошліны за выдачу замежным грамадзянам і асобам без грамадзянства спецыяльных дазволаў на права займацца працоўнай дзейнасцю ў Рэспубліцы Беларусь;
падатку на зямельныя ўчасткі, прадастаўленыя рэзідэнтам СЭЗ, зарэгістраваным з 1 студзеня 2012 года, на перыяд праектавання і будаўніцтва аб'ектаў нерухомасці, але не больш за пяць гадоў з даты зазначанай рэгістрацыі.
Абароты па рэалізацыі рэзідэнтамі СЭЗ на тэрыторыі Рэспублікі Беларусь імпартазамяшчальных тавараў уласнай вытворчасці абкладаюцца падаткам на дабаўленую вартасць па стаўцы ў памеры 10%.
Парк высокіх тэхналогій (ПВТ)
Кампаніі, якія заняты ў сферы інфармацыйных тэхналогій і развіваюць бізнэс у Рэспубліцы Беларусь у гэтым накірунку могуць скарыстацца льготным рэжымам падаткаабкладання ў Парку высокіх тэхналогій. У ПВТ дзейнічае экстэрытарыяльны прынцып рэгістрацыі кампаній-рэзідэнтаў.
Рэзідэнты ПВТ вызваляюцца ад:
падатку на прыбытак;
падатку на даданую вартасць;
афшорнага збору з дывідэндаў;
падатку на нерухомасць па будынках, размешчаных на тэрыторыі ПВТ;
зямельнага падатку на перыяд будаўніцтва, але не больш чым на тры гады;
мытных плацяжоў.
Даходы фізічных асоб, якія атрымліваюць ад рэзідэнтаў ПВТ, абкладаюцца падаходным падаткам па стаўцы 9%.
Індустрыяльны парк «Вялікі камень»
Індустрыяльны парк уяўляе сабой тэрытарыяльнае ўтварэнне плошчай 91,5 кв. км з асаблівым прававым рэжымам для забеспячэння камфортных умоў вядзення бізнесу.
Азнаёміцца з дэталёвай інфармацыяй аб ільготах і прэферэнцыях
Дзейнасць на тэрыторыі сярэдніх, малых гарадскіх паселішчаў, сельскай мясцовасці
Камерцыйныя арганізацыі, якія знаходзяцца на тэрыторыі сярэдніх, малых гарадскіх паселішчаў, сельскай мясцовасці і ажыццяўляюць на дадзеных тэрыторыях дзейнасць на працягу 7 гадоў вызваляюцца ад:
падатку на прыбытак, атрыманы ад рэалізацыі тавараў (работ, паслуг) уласнай вытворчасці;
падатку на нерухомую маёмасць з кошту капітальных пабудоў (будынкаў, збудаванняў).
Аналагічныя падатковыя льготы па падатку на прыбытак і падатку на нерухомасць прадугледжаны для адасобленых падраздзяленняў (філіялаў).
Інвестыцыйны дагавор
Інвестыцыйны дагавор ўяўляе сабой адну з магчымых формаў дзяржаўна-прыватнага партнёрства. Пры заключэнні інвестыцыйнага дагавора інвестар атрымлівае дадатковыя прававыя гарантыі абароны свайго капіталу, а таксама льготныя ўмовы і прэферэнцыі для рэалізацыі інвестыцыйнага праекта, сярод якіх:
права на будаўніцтва інвестыцыйных аб'ектаў паралельна з распрацоўкай, экспертызай і зацвярджэннем наступных этапаў будаўніцтва;
спрашчэнне рэжыму атрымання зямельных участкаў, які ўключае арэнду без працэдуры правядзення аўкцыёну;
вызваленне ад выплаты ўвазных мытных пошлін і ПДВ пры ўвозе абсталявання і запасных частак да яго для рэалізацыі інвестыцыйнага праекта;
вызваленне ад пакрыцця страт сельскагаспадарчай і лесагаспадарчай вытворчасці, выкліканых выняткам зямель;
вызваленне ад выплаты дзяржаўнай пошліны за выдачу замежным грамадзянам і асобам без грамадзянства дазволаў на права займацца працоўнай дзейнасцю ў Рэспубліцы Беларусь;
вызваленне ад мэтавых збораў у мясцовыя бюджэты.
Заканадаўствам Рэспублікі Беларусь прадугледжана магчымасць атрымання дадатковых індывідуальных льгот і прэферэнцый, якія ўлічваюць спецыфіку праекта.
