Аб двухбаковых адносінах Беларусі і Сан-Марына

Консульскія адносіны паміж Рэспублікай Беларусь і Рэспублікай Сан-Марына ўстаноўлены ў чэрвені 1997 г., дыпламатычныя – у лютым 2009 г.

Першы Пасол Беларусі ў Сан-Марына (з рэзідэнцыяй у Рыме), прызначаны 29 ліпеня 2019 г. – Аляксандр Гур'янаў.

Пасол Сан-Марына ў Беларусі (з рэзідэнцыяй у Сан-Марына) з лютага 2011 г. – Марына Дзаноці.

У лістападзе 2019 г. адбыўся візіт кіраўніка беларускай дыпмісіі ў Сан-Марына. Пасол Аляксандр Гур'янаў правёў сустрэчы з капітанам-рэгентамі рэспублікі Лукам Боскі і Марыэлай Мулароні, а таксама з Дзяржсакратаром па замежных справах Ніколам Рэнцы. Бакі абмеркавалі перспектывы развіцця кантактаў па розных напрамках, а таксама тэмы ўзаемадзеяння на міжнароднай арэне. У рамках візіту Пасол Беларусі таксама правёў прэзентацыю эканамічнага патэнцыялу нашай краіны ў рамках мерапрыемства Гандлёвай палаты Сан-Марына.

У 2021 годзе экспарт беларускіх тавараў у Сан-Марына не ажыццяўляўся. Імпарт у Беларусь у названым перыядзе склаў 1,28 млн. долараў ЗША. Экспарт беларускіх паслуг у Сан-Марына ў 2021 г. склаў 57,4 тыс. долараў ЗША. Імпарт паслуг у 2020 г. не ажыццяўляўся.