Двухбаковы гандль

Італія традыцыйна ўваходзіць у лік важных гандлёвых партнёраў Рэспублікі Беларусь, знаходзячыся па выніках 2021 года на 11-м месцы па аб'ёме тавараабароту, 32-м месцы па аб'ёме экспарту, 6-м месцы па аб'ёме імпарту.

Аб'ём двухбаковага гандлю паміж Беларуссю і Італіяй у 2020 годзе склаў 777,8 млн. долараў (86,3%). Экспарт Беларусі ў Італію за азначаны год склаў 90,5 млн. долараў (92,4%), імпарт – 687,3 млн. долараў (85,6%). Сальда склалася адмоўным у памеры -596,8 млн.долараў.

Наменклатура беларускага экспарту ў Італію у 2020 годзе налічвала 185 таварных пазіцыі, найбольш значнымі з якіх сталі:

Найбольшы прырост у вартасным вылічэнні за 2020 г. паказалі: пруткі з нелегіраванай сталі гарачакачаныя іншыя (+3,7 млн.долараў), пліты, лісты, плёнка з пластмасы, неарміраваныя, неслаістыя, без падкладкі (+1,1 млн.долараў), антыдэтанатары, антыаксіданты, інгібітары, загушчальнікі (+0,8 млн. долараў), фанера клееная (+0,8 млн. долараў), пруткі гарачакачаныя ў бухтах з нелегіраванай сталі (+0,7 млн. долараў), торф (+0,7 млн. долараў), драўніна паліўная (+0,7 млн. долараў), дублёная скура са шкур буйнай рагатай жывёлы (+0,6 млн. долараў), гародніна іншая (+0,5 млн. долараў), цэлюлоза драўняная, натронная або сульфатная (+0,5 млн. долараў).

Абарот гандлю паслугамі з Італіяй у 2020 годзе склаў 116,2 млн. долараў. Экспарт беларускіх паслуг ў Італію за азначаны перыяд склаў 71,0 млн. долараў (-11,7%), імпарт – 45,3 млн. долараў (-7,2%). Сальда склалася станоўчае для Беларусі у памеры 25,7 млн. долараў.

Асноўны аб'ём экспарту прыпаў на транспартныя паслугі (37,3 млн. долараў, ці 52,5% ад агульнага аб'ёму экспарту паслуг). Далей ідуць будаўнічыя паслугі (15,0 млн. долараў, 21,1%), іншыя дзелавыя паслугі (8,9 млн. долараў, 12,5%), кампутарныя, тэлекамунікацыйныя і інфармацыйныя паслугі (8,6 млн. долараў, 12,1%).

У 2020 годзе з Італіі ў Беларусь прыцягнута інвестыцый на суму 37,2 млн. долараў (на 12,7 млн.долараў больш чым у 2019 годзе), з іх практычна ўвесь аб'ём склалі прамыя інвестыцыі – 37,0 млн. долараў
(на 12,7 млн.долараў), прамыя на чыстай аснове – 10,2 млн. долараў
(+4,6 млн. даляраў).

На тэрыторыі Беларусі дзейнічае 233 прадпрыемства з італьянскім капіталам.

Умацоўваюцца кантакты на міжурадавым узроўні.

6 – 8 лютага 2019 г. адбыўся працоўны візіт Прэм'ер-міністра Рэспублікі Беларусь Румаса С.Н. у г.Рым.

25 чэрвеня 2019 г. праведзена другое пасяджэнне Беларуска-Італьянскай Міжурадавай камісіі па эканамічным супрацоўніцтве;

24 чэрвеня 2019 г. прайшоў Беларуска-Італьянскі бізнес-форум.

7 кастрычніка 2019 г. адбылося адкрыццё офіса гандлёвага агенцтва «ІЧЭ» у Беларусі.

8 кастрычніка 2019 г. у г.Минскe праведзены III Італа-Беларускі форум па Зялёнай эканоміцы, арганізаваны Беларускай гандлёва-прамысловай палатай, італьянскім агенцтвам «ІЧЭ» і асацыяцыяй «Канфіндустрыя Беларусь» пры падтрымцы Пасольства Італіі ў Беларусі.

30 чэрвеня 2020 г. праведзены онлайн-семінар «Беларусь – Італія: эканамічнае супрацоўніцтва падчас глабальных выклікаў», арганізатарамі якога выступілі БелГПП і Пасольства Італіі ў Беларусі, да якога далучыліся каля 100 прадстаўнікоў бізнес-асацыяцый, арганізацый, прадпрыемстваў і дыпламатычных місій дзвюх краін.

28 кастрычніка 2020 г. Пасольства прыняло ўдзел з выступам у онлайн-семінары «Камерцыйная дыпламатыя. Інструменты аналізу рынку Міжнароднага гандлёвага цэнтра ЮНКТАД / СГА », арганізаваным Нацыянальным цэнтрам маркетынгу і кан'юнктуры цэн і Міжнародным гандлёвым цэнтрам ЮНКТАД / СГА і накіраваным на павышэнне інфармаванасці зацікаўленых аб магчымасцях і практыцы работы на замежных рынках.

17-19 мая 2021 года ў г.Трыесце арганізавана серыя перагавораў беларускай прамысловай дэлегацыі пад кіраўніцтвам Першага намесніка Міністра прамысловасці С.М. Гунько з буйнымі камерцыйнымі, лагістычнымі і банкаўскімі структурамі вобласці Фрыулі Венецыя-Джулія.

1-3 кастрычніка 2021 г. адбыўся візіт Старшыні Беларускай гандлёва-прамысловай палаты В.Улаховіча ў паўночна-ўсходнія рэгіёны Італіі. Кіраўнік БелГПП выступіў на 17-м міжнародным Аквілейскім форуме “Mitteleuropa”.

28-29 кастрычніка 2021 года ў г.Вероне (вобласць Венета, Італія) прайшоў XIV Еўразійскі эканамічны форум, у якім таксама прыняў удзел кіраўнік БелГПП.