Аб дыпламатычных адносінах паміж Рэспублікай Беларусь і Рэспублікай Мальта

Дыпламатычныя адносіны паміж Рэспублікай Беларусь і Рэспублікай Мальта устаноўлены 16 лютага 1993 года.

У рамках ўрачыстых мерапрыемстваў з нагоды 300-годдзя заснавання Санкт-Пецярбурга ў маі 2003 г. адбылася кароткая рабочая сустрэча Прэзідэнта Рэспублікі Беларусь А.Р. Лукашэнкі з Прэм'ер-міністрам Мальты Эдвардам Фенекам Адамі.

Пасольства Рэспублікі Беларусь акрэдытавана на Мальце (па сумяшчальніцтве з Італіяй) у 2011 годзе. Пасол (з 2016 года) – Гур'янаў Аляксандр Яўгенавіч.

У мэтах інтэнсіфікацыі беларуска-мальтыйскіх адносін у 2016 і 2018 гадах праведзены сустрэчы і перамовы кіраўніка беларускай дыпмісіі з кіраўніцтвам Мальты (у тым ліку на ўзроўні Прэзідэнта, Прэм'ер-міністра і кіраўніка знешнепалітычнага ведамства), якія прадэманстравалі ажыўленне цікавасці і наяўнасць новых магчымасцяў для выбудоўвання ўзаемадзеяння.

У сувязі з 25-годдзем дыпламатычных адносін адбыўся візіт Пасла А.Гурьянава ў Валету, падчас якога праведзены сустрэчы з кіраўніцтвам Міністэрства замежных спраў і развіцця гандлю Мальты, абмеркаваны актуальныя пытанні і прыярытэты развіцця двухбаковага ўзаемадзеяння. Перададзена віншавальнае пасланне ад імя Міністра замежных спраў Беларусі У.Макея ў адрас тагачаснага кіраўніка знешнепалітычнага ведамства Мальты К.Абелы з нагоды згаданага юбілею.

9 красавіка 2018 г. мальтыйскай бокам выдадзена экзекватура Ганароваму консулу Рэспублікі Беларусь у г.Валеце (з акругай на тэрыторыі ўсёй Рэспублікі Мальта) Ё.Балдакіна Рамана.

3-4 верасня 2019 г. у Міжнароднай канферэнцыі «Барацьба з тэрарызмам з дапамогай інавацыйных падыходаў і выкарыстання новых і найноўшых тэхналогій» у Мінску прыняла ўдзел афіцыйная дэлегацыя Мальты на чале з дырэктарам па глабальных пытаннях Міністэрства замежных спраў і развіцця гандлю Ф.Гат.

1-4 снежня 2019 г. арганізаваны першы ў гісторыі двухбаковых адносін візіт на Мальту прадстаўнічай беларускай дэлегацыі з удзелам намесніка Міністра эканомікі Беларусі Ярашэвіча Д.У., Пасла Гур'янава А.Я., дырэктара Адміністрацыі Парка высокіх тэхналогій Янчэўскага У.В., намесніка старшыні БелГПП Набешкі С.У., шэрагу прадстаўнікоў дзелавых колаў. У рамках візіту адбыліся перамовы беларускай дэлегацыі пад кіраўніцтвам намесніка Міністра эканомікі Ярашэвіча Д.У. і Пасла Гур'янава А.Я. з Пастаянным сакратаром (першым намеснікам Міністра) замежных спраў і развіцця гандлю Мальты Ф.Фармозай.