Аб мерапрыемстве, арганізаваным асацыяцыяй “BELLARUS”
26.09.2022 г.25 верасня ў г.Неапалі супрацоўнікі Пасольства прынялі ўдзел у мерапрыемстве “Беларуская восень у Неапалі 2022”, арганізаваным асацыяцыяй “BELLARUS” і прысвечаным традыцыйным восеньскім святам і народным звычаям Беларусі.
У рамках яго правядзення музычным калектывам «Спадчына» былі выкананы беларускія народныя і аўтарскія песні.
Госці мерапрыемства змаглі азнаёміцца з беларускай культурай і мовай, традыцыямі Беларусі, а таксама звычаямі святкавання восеньскіх святаў беларускім народам.