Аб ускладанні кветак напярэдадні Дня Перамогі
08.05.2025 г.У гонар 80-годдзя Перамогі ў Вялікай Айчыннай вайне Пасольства Рэспублікі Беларусь у Італіі ўшанавала памяць загінуўшых суайчыннікаў у розных частках Італіі.
Беларуская дэлегацыя на чале са старшынёй Палаты прадстаўнікоў Нацыянальнага сходу Рэспублікі Беларусь Ігарам Сяргеенкам усклала кветкі да брацкай магілы ў горадзе Палестрына, каб ушанаваць памяць мясцовых жыхароў, якія гераічна змагаліся з нацызмам і фашызмам у перыяд Другой сусветнай вайны.
Сярод выбітых на помніку імёнаў ёсць імёны трох савецкіх салдат, якія ўцяклі з нямецкага палону і далучыліся да італьянскіх партызан.
Таксама калектыў Пасольства Рэспублікі Беларусь у Італьянскай Рэспубліцы і актыўныя члены беларускай дыяспары напярэдадні Дня Перамогі ўсклалі кветкі да магіл беларусаў, якія загінулі пры вызваленні Італіі.
