Аб Інвестыцыйных днях Беларусі ў Італіі
05.05.2025 г.5 мая ў г. Верона стартавалі «Інвестыцыйныя дні Беларусі ў Італіі» — гэта прэзентацыя інвестыцыйных магчымасцей Беларусі для італьянскіх кампаній, зацікаўленых у развіцці бізнесу ў нашай краіне.
Арганізатары: Нацыянальнае агенцтва інвестыцый і прыватызацыі Рэспублікі Беларусь сумесна з Пасольствам Беларусі ў Італіі і Гандлёва-прамысловай палатай Італія-Беларусь.
У прывітальнай прамове Часовы павераны ў справах Беларусі ў Італіі Кірыл Пятроўскі падкрэсліў гатоўнасць Пасольства дапамагаць усім жадаючым італьянскім кампаніям у рэалізацыі іх праектаў у Беларусі.
Намеснік дырэктара Нацыянальнага агенцтва інвестыцый і прыватызацыі Рэспублікі Беларусь Аляксей Пушкароў і іншыя супрацоўнікі агенцтва выступілі з прэзентацыямі аб інвестыцыйных магчымасцях.
У перагаворах прынялі ўдзел і прадстаўнікі некалькіх беларускіх кампаній, зацікаўленых у пашырэнні супрацоўніцтва з партнёрамі з Італіі. У рамках «Інвестыцыйных дзён» прэзентацыі і перамовы пройдуць таксама ў г. Нола і ў г. Бары.
