Як дабрацца да Беларусі

Беларусь размешчана ў цэнтры Еўропы, мае агульныя межы з Расіяй, Украінай, Польшчай, Літвой і Латвіяй. Прыехаць у краіну можна паветраным, чыгуначным і аўтамабільным транспартам.

АВІЯ
Большая частка падарожнікаў у Беларусь прылятае. Аэрапорты ёсць у кожным абласным горадзе, усе яны дапушчаныя да забеспячэння міжнародных палётаў.

Найбуйнейшы ў краіне Нацыянальны аэрапорт «Мінск» размешчаны амаль у 30 км ад сталіцы. Пасля праходжання пашпартнага кантролю да горада можна дабрацца на аўтобусе (курсіруе кожную гадзіну), таксі (каля 20 еўра) альбо на ўзятым напракат аўтамабілі. Акрамя таго, у межах Мінску функцыянуе яшчэ адзін аэрапорт, з якога ажыццяўляюцца рэгулярныя рэйсы ў Маскву, а таксама чартэрныя палёты.

Рэйсы ў Мінск прапануе шэраг авіякампаній, у тым ліку:

 — «Люфтганза» (Германія)
 — «Аўстрыйскія авіялініі» (Аўстрыя)
 — «Лот» (Польшча)
 — «Эль Аль» (Ізраіль)
 — «Этыхад Эйрвэйс» (Аб'яднаныя Арабскія Эміраты)
 — «Туркменістан Эйрлайнс» (Туркменістан)
 — «Аэрасвіт Эйрлайнс» (Украіна)
 — «Аэрафлот» (Расія)
 — «S7 Эйрлайнс» (Расія)
 — «ЮТэйр» (Расія)
 — «Чэшскія авіялініі» (Чэхія)
 — «ЭйрБалтык» (Латвія) і іншыя.

Нацыянальны авіяперавозчык «Белавія» валодае сучасным паркам паветраных судоў, якія адпавядаюць патрабаванням агульнасусветных стандартаў па тэхнічнай бяспецы, шумах. У іх ліку Boeing 737-500, Boeing 737-300, CRJ-100/200 LR, Ту-154М, Embraer 175.

Асноўныя аэрапорты маршрутнай сеткі «Белавія»:

 — Aмстердам
 — Астана
 — Баку
 — Батумі
 — Бейрут
 — Берлін
 — Варшава
 — Вена
 — Гановер
 — Екацерынбург
 — Ерэван
 — Калінінград
 — Кіеў
 — Костанай
 — Ларнака
 — Лондан
 — Манчэсцер
 — Мілан
 — Масква
 — Парыж
 — Прага
 — Рыга
 — Рым
 — Санкт-Пецярбург
 — Сочы
 — Стамбул
 — Стакгольм
 — Талін
 — Тбілісі
 — Тэгеран
 — Тэль-Авіў
 — Франкфурт
 — Хельсінкі
 

ЧЫГУНКА
Прыехаць у Беларусь на цягніку можна практычна з любога буйнога горада Еўропы і СНД. Пасажырскія чыгуначныя зносіны звязваюць рэспубліку з Амстэрдамам, Базелем, Франкфуртам-на-Майне, Берлінам, Кёльнам, Варшавай, Прагай, Браціславай, Будапештам, Варнай, Бухарэстам, Венай і інш. А таксама са сталіцамі і адміністрацыйнымі цэнтрамі Расіі, Украіны, Малдовы, Літвы і Казахстана.
 
Маршрутная сетка ўнутры краіны ахоплівае больш за 2100 населеных пунктаў.
 
У рэспубліцы функцыянуе 21 буйны чыгуначны вакзал з развітой інфраструктурай і комплексам сэрвісных паслуг для пасажыраў.
 

АЎТОБУСЫ
Большасць міжнародных аўтобусных рэйсаў у Беларусь прыбываюць на сталічныя аўтавакзалы. Іх у Мінску тры: «Цэнтральны», «Маскоўскі» і «Усходні».
 
Аўтобусныя маршруты звязваюць сталіцу Беларусі з такімі краінамі, як:
 — Бельгія
 — Германія
 — Італія
 — Літва
 — Латвія
 — Нідэрланды
 — Польшча
 — Расія
 — Украіна
 — Францыя
 — Чэхія
 — Эстонія.

Акрамя таго, рэйсы па міжнародных маршрутах ажыццяўляюцца з абласных і раённых цэнтраў Беларусі.


АЎТАМАБІЛЬ
Рэспубліка Беларусь знаходзіцца на скрыжаванні асноўных транспартных маршрутаў, якія злучаюць Заходнюю Еўропу з Усходам, рэгіёны Чарнаморскага ўзбярэжжа з краінамі Балтыйскага мора. Тэрыторыю Беларусі перасякаюць два транс'еўрапейскіх транспартных калідора: нумар II (Захад — Усход) і нумар IX (Поўнач — Поўдзень) з адгалінаваннем IXВ.
 
Аўтамабільная дарога М-1 / Е30 Брэст — Мінск — мяжа Расійскай Федэрацыі з'яўляецца участкам транс'еўрапейскага транспартнага калідора нумар II (Берлін — Варшава — Мінск — Масква — Ніжні Ноўгарад), які злучае Германію, Польшчу, Беларусь і Расію. Сёння аўтамабільная дарога М-1 / Е30 па тэхнічных параметрах адпавядае міжнародным стандартам, на ёй прымяняюцца самыя сучасныя тэхналогіі і сродкі арганізацыі дарожнага руху. Большай яе частцы нададзены статус дарогі для аўтамабіляў, а значыць, тут павялічана дазволеная максімальная хуткасць руху да 120 км / г.

Аўтамабільная дарога М-8 / Е95 мяжа Расійскай Федэрацыі — Віцебск — Гомель — мяжа Украіны перасякае тэрыторыю рэспублікі з поўначы на ​​поўдзень, мае працягласць 456 км і з'яўляецца участкам транс'еўрапейскага транспартнага калідора нумар IX, які злучае Фінляндыю, Літву, Расію, Беларусь, Украіну, Малдову, Румынію, Балгарыю і Грэцыю.

Адгалінаванне калідора IХВ Гомель — Мінск — Вільнюс — Клайпеда забяспечвае выхад з абласцей Усходняй Украіны і Цэнтральнай Расіі да спецыялізаваных марскіх партоў Клайпеды, Вентспілса і Калінінграда.
 
Іншыя важныя ў міжнародным дачыненні аўтамабільныя магістралі:

М-3 Мінск – Віцебск
М-4 Мінск – Магілёў
М-5 / E 271 Мінск – Гомель
М-6 / E 28 Мінск – Гродна
М-7 / E 28 Мінск — Ашмяны — мяжа Літоўскай Рэспублікі
М-10 Мяжа Расійскай Федэрацыі — Гомель – Кобрын
М-11 / E 85 Мяжа Літоўскай Рэспублікі — Ліда — Слонім – Быцень
М-12 / E 85 Кобрын — мяжа Украіны (Макраны).


У Беларусь на ровары

Дзяржпагранкамітэт інфармуе, што замежныя грамадзяне могуць перасякаць дзяржаўную мяжу Рэспублікі Беларусь з выкарыстаннем велатранспарта ва ўсіх аўтадарожных пунктах пропуску прыбалтыйскага кірунку (Грыгораўшчына, Урбаны, Катлоўка, Лоша, Каменны Лог, Беняконі, Прывалка), украінскага напрамкі (Тамашоўка, Макраны, Махро, Верхні Церабяжоў, Новая Рудня, Камарын, Новая Гута, Весялоўка), аўтадарожных пунктах пропуску Брузгі, Бераставіца і пункце спрошчанага пропуску Перароў польскага кірунку. У аўтадарожных пунктах пропуску Пясчатка, Брэст, Дамачава польскага кірунку пропуск праз дзяржаўную мяжу веласіпедыстаў ня ажыццяўляецца па дамоўленасці з польскім бокам з прычыны адсутнасці ўмоў для забеспячэння бяспекі дарожнага руху.