Заканадаўства
На тэрыторыі Рэспублікі Беларусь інвестыцыйная дзейнасць рэгулюецца нормамі нацыянальнага і міжнароднага заканадаўства.
На нацыянальным узроўні дзейнічае «Закон аб інвестыцыях», які ўстанаўлівае асноўныя прынцыпы ажыццяўлення інвестыцыйнай дзейнасці на тэрыторыі Рэспублікі Беларусь і накіраваны на прыцягненне інвестыцый у беларускую эканоміку, забеспячэнне гарантый, абарону правоў і законных інтарэсаў інвестараў.
Таксама ў Беларусі актыўна рэалізуецца дзяржаўная палітыка падтрымкі інвестыцый, якая аказваецца ў выглядзе:
прадастаўлення гарантый Урада Рэспублікі Беларусь (прадастаўляюцца крэдыторам ў выпадках прыцягнення замежных крэдытаў або крэдытаў банкаў Рэспублікі Беларусь для рэалізацыі інвестыцыйных праектаў);
прадастаўлення цэнтралізаваных інвестыцыйных рэсурсаў;
заключэння інвестыцыйнага дагавора (дадзены інструмент дазваляе інвестару атрымаць дадатковыя гарантыі абароны свайго капіталу і адначасова льготныя ўмовы і прэферэнцыі для рэалізацыі інвестыцыйнага праекта, у тым ліку не ўстаноўленыя заканадаўчымі актамі).
Інвестыцыйныя праекты у дачыненні да нетраў, вод, лясоў, зямель і аб'ектаў, якія знаходзяцца толькі ва ўласнасці дзяржавы, або дзейнасць, на ажыццяўленне якой распаўсюджваецца выключнае права дзяржавы, могуць рэалізоўвацца на аснове канцэсіі. Інвестыцыйная дзейнасць, звязаная з нетрамі, можа ажыццяўляцца таксама на падставе інвестыцыйнага дагавора.
Канцэсійныя пагадненні заключаюцца на падставе правядзення конкурсу або аўкцыёну. Заключэнне канцэсійных дагавораў без правядзення конкурсу або аўкцыёну дапускаецца:
з інвестарам, якія ажыццявіў ва ўстаноўленым парадку геалагічнае вывучэнне нетраў за кошт уласных сродкаў;
па рашэнні Прэзідэнта Рэспублікі Беларусь.
Асаблівыя прававыя рэжымы з дадатковым прадастаўленнем льгот інвестару ўводзяцца пры рэалізацыі інвестыцыйных праектаў у свабодных эканамічных зонах, Парку высокіх тэхналогій, спецыяльным турысцка-рэкрэацыйным парку «Аўгустоўскі канал», Індустрыяльным парку, сярэдніх і малых гарадскіх паселішчах, сельскай мясцовасці, а таксама ў дачыненні да малога і сярэдняга бізнесу.
Адпаведнасць умоў для страхавання рызык замежных інвестараў міжнародным стандартам забяспечана паўнапраўным членствам Беларусі ў Шматбаковым агенцтве па гарантыях інвестыцый (ШАГІ), якое, з'яўляючыся ўстановай Групы арганізацый Сусветнага банка, дазваляе інвестарам страхаваць праекты, якія яны рэалізуюць, ад палітычных і некамерцыйных рызык. Паміж Урадам Рэспублікі Беларусь і ШАГІ на дадзены момант заключаны пагадненні аб прававой абароне гарантаваных замежных інвестыцый і аб выкарыстанні мясцовай валюты.
Акрамя гэтага, у мэтах стварэння спрыяльных умоў і абароны інвестыцый, якія ажыццяўляюцца інвестарамі адной дзяржавы на тэрыторыі іншай дзяржавы, Рэспубліка Беларусь падпісала каля 60 двухбаковых пагадненняў аб садзейнічанні ў ажыццяўленні (заахвочванні) і ўзаемнай абароне інвестыцый.
У прыватнасці згаданымі пагадненнямі прадастаўлены гарантыі:
нацыянальнага рэжыму;
рэжыму найбольшага спрыяння;
экспрапрыяцыі і кампенсацыі;
іншыя гарантыі.
Стаўкі асноўных падаткаў
Асноўныя падаткі, якія юрыдычныя асобы, зарэгістраваныя на тэрыторыі Беларусі, выплачваюць пры агульнай сістэме падаткаабкладання:
|
Падаткі |
Стаўка |
|
Падатак на прыбытак |
18% |
|
Падатак на прырост капіталу |
18% |
|
Падаткаабкладанне прыбытку філіялаў пры перакладзе у галаўную арганізацыю |
0% |
|
Стаўкі падатку на даходы замежных арганізацый, якія не ажыццяўляюць дзейнасць у Рэспубліцы Беларусь праз пастаяннае прадстаўніцтва: |
|
|
— Плата за перавозку, фрахт, демереджi і іншыя плацяжы, якія ўзнікаюць пры перавозках, у сувязі з ажыццяўленнем міжнародных перавозак, а таксама плацяжы за аказанне транспартна-экспедыцыйных паслуг |
6% |
|
— Даходы ад пазыковых абавязацельстваў любога віду, у тым ліку даходы па крэдытах, пазыках, даходы па каштоўных паперах, умовамі выпуску якіх прадугледжана атрыманне даходаў у выглядзе працэнтаў (дысконту), даходы ад карыстання часова свабоднымі сродкамі на рахунках у банках Рэспублікі Беларусь |
10% |
|
— Даход у выглядзе дывідэндаў |
12% |
|
— Прыбытак у выглядзе роялці, даход ад ліцэнзій і іншы даход згодна з пераліку, вызначаным заканадаўствам |
15% |
|
Падатак на дабаўленую вартасць |
20% |
|
Падатак на нерухомасць |
1% |
|
Абавязковыя страхавыя ўзносы: |
35% |
|
Абавязковае сацыяльнае страхаванне ў выпадку дасягнення пенсійнага ўзросту, інваліднасці і страты карміцеля (пенсійнае страхаванне) |
29% |
|
Абавязковыя страхавыя ўзносы на выпадак часовай непрацаздольнасці, цяжарнасці і родаў і г. д. |
6% |
Закон Рэспублікі Беларусь аб свабодных эканамічных зонах
Закон Рэспублікі Беларусь аб інвестыцыях
