Аб удзеле Намесніка Міністра сельскай гаспадаркі і харчавання Рэспублікі Беларусь у 49-й сесіі Камітэта па сусветнай харчовай бяспецы
11.10.2021 г.
Намеснік міністра сельскай гаспадаркі і харчавання Ала Ламакіна прыняла ўдзел у 49-й сесіі Камітэта па сусветнай харчовай бяспецы, якая прайшла ў рэжыме відэаканферэнцыі.
У сваім дакладзе Ала Ламакіна адзначыла, што Беларусь высока цэніць шматгадовае і плённае супрацоўніцтва з Харчовай сельскагаспадарчай арганізацыяй Аб'яднаных Нацый (ФАО).
У цяперашні час рэалізуюцца важныя праекты па ўмацаванні патэнцыялу фітасанітарных службаў, даследаванню коштаў на прадуктовых рынках, развіццю сельскіх тэрыторый, праводзяцца навучальныя мерапрыемствы.
Беларусь займае актыўную пазіцыю па пытаннях забеспячэння харчовай бяспекі і на міждзяржаўным узроўні (СНД, Саюзная дзяржава), як член Еўразійскай эканамічнай саюза, ўдзельнічае ў выпрацоўцы агульных падыходаў і прынцыпаў калектыўнай харчовай бяспекі.
