Прэзідэнт Рэспублікі Беларусь Аляксандр Лукашэнка выказаў спачуванні родным і блізкім Сільвіа Берлусконі
12.06.2023 г.Прэзідэнт Беларусі Аляксандр Лукашэнка выказаў спачуванні родным і блізкім Сільвіа Берлусконі ў сувязі з яго смерцю.
«У Рэспубліцы Беларусь з вялікім смуткам успрынялі паведамленне аб смерці былога старшыні Савета Міністраў Італьянскай Рэспублікі Сільвіа Берлусконі, з імем якога звязаны шэраг важных для Італіі і Беларусі падзей. Дзякуючы яго асабістаму ўкладу беларуска-італьянскае ўзаемадзеянне атрымала моцны імпульс. Ён быў яркай і таленавітай асобай, паспяховым прадпрымальнікам і дальнабачным аўтарытэтным палітыкам, які ўмее самастойна ацэньваць абстаноўку, прымаць эфектыўныя рашэнні і несці за іх адказнасць», — гаворыцца ў спачуванні.
Кіраўнік дзяржавы падкрэсліў, што Сільвіа Берлусконі застанецца ў памяці як чалавек з выключнай харызмай і патрыёт, які садзейнічаў кансалідацыі італьянскага грамадства і ўмацаванню міжнародных пазіцый краіны далёка за яе межамі.
